Encontro no CIFP A Xunqueira co libro
“MATRIARCAS, MULLERES EN PÉ DE VIDA”
Enmarcado no programa “Memoria de mulleres na escola”, o CIFP A Xunqueira realizou un encontro arredor do libro “Matriarcas, mulleres en pé de vida”, da xornalista carrilexa Montse Fajardo. Neste libro de entrevistas recóllense as biografías de diferentesgalegas que teñen en común ser mulleres fortes, loitadoras, capaces de sacar a diante ás súas familias e que representan o matriarcado en Galicia na época da postguerra.
O alumnado tivo ocasión de coñecer de primeira man as testemuñas e vivencias de Gloria Lijó a protagonista do primeiro capítulo do libro, e a primeira muller enrolada nun barco de baixura en Marrocos.O seu relato conseguiu emocionar a todas e todos os asistentes ao acto.
En vista do éxito do encontro co alumnado dos ciclos formativos da mañá do xoves 13 de febreiro, repetiuse para os grupos da tarde/noite o martes 25 de febreiro do 2014.
Está pendente unha terceira visita de Gloria para facer o caldo (“O porco traio eu”, dixo ela)
Gloria Lijó, a primeira matriarca, e Montse Fajardo, a autora, asinando uns exemplares do libro para a Biblioteca do CIFP A Xunqueira
Educando en igualdade 