Tag Archives: Biografías

Isabel Zendal. A viaxe máis épica da historia da humanidade

Estándar

Nun pequeno vídeo de algo máis de 4 m se nos conta un increible episodio dentro da Historia da Medicina, protagonizado por esta enfermeira galega afouta, directora do Orfanato da Caridade na Coruña, que participou na “Real expedición filantrópica de la vacuna”, dirixida polo doctor Francisco Javier Balmis. Isabel Zendal foi considerada pola Organización Mundial da Saúde (OMS) como a primeira enfermeira da historia en misión internacional.

Vídeo sobre esta espectacular expedición para levar a vacina da viruela aos territorios de ultramar do imperio español naquela época.

Enlace ao vídeo https://www.youtube.com/watch?v=_WVkL7HhjAc

Día de Rosalía de Castro, 24 de febreiro. Outras Rosalías

Estándar

Entre as diversas facianas que podemos atopar en Rosalía de Castro (1837-1885), a muller de actitudes pouco convencionais, a comprometida coa lígua e a cultura galega, a de ideoloxía progresista socialmente, imos salientar a de feminista que denuncia a situación de dependencia das mulleres. En obras como Lieders, Las literatas. Carta a Eduarda ou no limiar de La hija del mar Rosalía deixounos todo un alegato feminista moi avanzado para a súa época.

Estes e outros textos semellantes aparecen na fermosa publicación Escritos feministas que editou a Casa de Rosalía en 2019.

Para ter máis información das actividades e publicacións vencelladas a Rosalía, aquí tedes o enlace da Fundación Casa de Rosalía https://rosalia.gal/a-casa/a-casa-museo/

“Porque todavía no les es permitido a las mujeres escribir lo que sienten y lo que saben”.

(Limiar de La hija del mar. 1859)

No seguinte artigo de Lola Varela, publicado no Diario de Pontevedra, hoxe 24 de febreiro, 184 anos despois do seu nacemento, tedes esta reflexión sobre as outras Rosalías tantos anos silenciadas.

Aquí podedes descargar e ler este artigo con máis comodidade.

Elas fixeron Historia

Estándar

A Unidade de Igualdade pertencente ao Gabinete Técnico de la Subsecretaría del Ministerio de Ciencia, Innovación y Universidades publicou esta presentación con breves biografías de Investigadoras, Innovadoras e Académicas coas ilustracións de María S Ozamiz.

Máis de 15 historias como a de Hipatía, Ada Lovelace, Beatriz Galindo, Jeanne Baret e Margarita Salas, entre outras.

Ver e descargar a presentación nestas ligazóns Investigadoras e Innovadoras, respectivamente.

Galicianas científicas

Estándar

Un proxecto do Club de Ciencia do IES Laxeiro de Lalín, creado no curso 2018-2019 con Marina Pardal Varela como Coordinadora para promocionar iniciativas STEM ( Ciencias, Tecnoloxías, Enxeñerías e Matemáticas).

O pasado curso 2019-2020 foi tamén un curso moi activo no Club de Ciencia, pois con motivo de celebrar o 150 aniversario da Táboa periódica, elaboraron baixo a coordinación da profesora de Física e Química Marta Elena Aguirre Fernández unha interesantísima Táboa periódica en 3D co alumnado de 2º ESO, exposta o 4 de novembro para celebrar o Día da Ciencia en Galego.

Podedes acceder ao Club de Ciencia neste enlace https://padlet.com/melenaaguirref/8qllh8fus2qu1z76

Esta mesma actividade da Táboa periódica levou a outra proposta relacionada coas Mulleres e a Ciencia, que estaba enmarcada dentro do programa “Proxecta” da Secretaría Xeral de Igualdade da Xunta de Galicia. Baixo o nome de “Donas de si” o alumnado pescudou acerca de mulleres debruzadas na investigación científica e atoparon unha morea delas, pero o máis salientable e que se centraron en mulleres galegas. Atoparon 40 mulleres que mereceron un recoñecemento polo seus traballos e que non deben ser esquecidas. Son as Galicianas científicas.

Podedes acceder ás Galicianas científicas neste enlace https://padlet.com/melenaaguirref/oixi9w6zeydb5r49

É un orgullo poder difundir traballos coma este realizados por profesorado e alumnado dun centro público galego.

O noso agradecemento ás profesoras Concepción Villar Moure, coordinadora actual do Club de Ciencia e a Gracia Sanctorum, profesora de Galego e das materias de Igualdade, e membro tamén do Club de Ciencia.

11 F Celebra a ciencia con conciencia de xénero

Estándar

Achegamos unha fermosa e interesante presentación, realizada polas profesoras Sonia Casal e Tareixa Casal, con motivo do Día Internacional da Muller e a Nena na Ciencia. A través de varios vídeos, imaxes e carteis, moi acaídos para facer unha exposición nos nosos centros, podemos reflexionar xunto co noso alumnado e realizar algunhas das actividades propostas.

A continuación tedes os carteis de 14 mulleres senlleiras polos seus traballos no mundo das ciencias.

Para ver e descargar o pdf dos carteis preme nesta ligazón e aquí, respectivamente.

Estas imaxes das 14 mulleres científicas forman parte da presentación que vos ofrecemos a continuación.

A presentación está en genial.ly, en formato editable para que poidades facer adaptacións.

” O mundo non pode permitir perder a metade do seu potencial”.

Preme aquí para entrar na presentación Genialy

Xogo sobre Mulleres Científicas

Estándar

Aprender coeducación xogando. Esta é unha nova proposta elaborada por Alba Sousa, docente galega, para achegarnos a algunhas desas mulleres sabias que nos precederon.

“As mulleres científicas e tecnólogas son invisibilizadas pola sociedade incluindo o material educativo e a prensa.

A falta de referentes, fai que as nenas non teñan modelos nos que reflectirse”.

Podes descargar este xogo no seguinte enlace: Xogo

Bravxs. Caretas e biografías de mulleres científicas

Estándar

A través destas caretas ilustradas por Marta Riera, ex-profesora da Facultade de Belas Artes, a Unidade de Igualdade da Universidade de Vigo pretende darlles visibilidade a mulleres científicas, investigadoras e inventoras con traxectorias vitais paradigmáticas nas que se observan trazas de inxustiza e discriminación no ámbito da ciencia (o chamado «efecto Matilda»), pese á importancia e á relevancia das súas achegas e descubrimentos.

Lynn Petra Alexander, primeira doutora honoris causa da Universidade de Vigo; Ángela Ruiz Robles, profesora ferrolá e deseñadora do primeiro prototipo de libro electrónico; Ada Lovelace, inventora da linguaxe de programación; Jane Goodall, primatóloga que revolucionou esta disciplina grazas ás súas observacións e análises; Hedy Lamarr, inventora da wifi; Jocelyn Bell, descubridora dos pulsares ou Rosalind Franklin, clave no descubrimento do ADN, son algunhas destas destacadas e fantásticas mulleres científicas e investigadoras.

Marta Riera autora das caretas

Podes descargar o pfd para imprimir as caretas premendo aquí .

“En diálogo con…” Unha Historia da Filosofía con visión de xénero e inclusiva

Estándar

Con este novidoso e necesario manual da Historia da Filosofía para 2º de Bacharelato, a súa autora, profesora de filosofía nun instituto de Madrid, Lola Cabrera Trigo, dun xeito totalmente altruista, pon nas nosas mans a posibilidade de recuperar o pensamento das mulleres ao longo dos tempos.

Xunto aos trece autores que a Lei de Educación inclúe no currículo a profesora Lola Cabrera coloca en paralelo a mulleres pensadoras ou escritoras desas mesmas épocas, para rachar con esa marxinación secular da outra metade da humanidade e enriquecer deste xeito o coñecemento do noso pasado. Vos sorprenderedes da cantidade de voces importantes silenciadas por ser mulleres.

“…un modelo sin exclusiones, para poder determinar hasta qué punto la historia
de la filosofía podría haber sido distinta con la aportación de las mujeres, y, finalmente, para
hacer una análisis crítico del lugar al que nos ha conducido este pensamiento hecho por y
para filósofos, es decir, una sociedad patriarcal.”

Pódese descargar este libro neste enlace

E para completar esta información aquí vos deixamos un bo artigo de prensa no que se nos da información de sete películas e documentais sobre sete mulleres filósofas que non deberíamos esquecer: Hannah Arendt, Rosa Luxemburgo, Edith Stein, Simone de Beauvoir, Hypatia de Alejandría, María Zambrano e Judith Butler. Este enlace inclúe as películas ou tráiler das mesmas. https://culturainquieta.com/es/pensamiento/item/17422-siete-peliculas-y-documentales-basadas-en-filosofas.html

Tres científicas a punto de lograr unha vacina contra o coronavirus

Estándar
Tres científicas a punto de lograr la vacuna contra el coronavirus

Estas tres científicas: Chen Wei, Sarah Gilbert e Kizzmekia Corbett dirixen sendos proxectos a para lograr a vacina contra o coronavirus.

Sabes de que países son? Coñeces os seus proxectos? Investiga algún dato das súas biografías.

Calendario 2021. Un feixe de mulleres para non esquecer.

Estándar

Elaborado pola Agrupación Cultural Alexandre Bóveda de A Coruña xunto coa Asociación socio-pedagóxica galega AS-PG, preséntanos cada mes unha muller pioneira nas súas actitudes ou no seu traballo e directamente relacionada con ese mes.

Así temos desde xaneiro ata decembro:

Maruxa Mallo, pioneira no movemento das Sin Sombreiro.

Filomena Dato, primeira muller en nómina no xornal A Monteira.

Gertrudis Gómez de Avellaneda, primeira muller proposta para a Real Academia Española.

Irene González Basanta, Primeira xogadora de fútbol.

Williamina Fleming, primeira conservadora do Arquivo Astronómico de Harvard.

Elisa e Marcela, primer casamento de mulleres.

Rafaela Hervada, primeira directora dunha emisora de radio.

María Vinyals, pioneira do feminismo en Galicia.

Emilia Pardo Bazán, primeira profesora na Universidade de Madrid.

Celia Rivas, primeira muller camioneira.

Isabel Zendal, primeira enfermeira en misión internacional.

Olimpia Valencia, primeira muller licenciada en Medicina.

Podedes descargar o calendario aquí.