Xogar non ten xénero

“Jugar no tiene género”. “Huelga de juguetes”

A nova campaña do Ministerio de Consumo contra a publicidade sexista dirixida á infancia.

A campaña chega en plena época do Nadal, cando aumentan considerablemente os anuncios de xogos e xoguetes. Por isto, Consumo quere concienciar sobre o risco de reproducir roles e estereotipos sexistas, xa que repercute directamente na autopercepción das e dos menores.

Esta campaña conta cun video no que dous bonecos dan un mitin e convocan ao paro dunha hora para o próximo:

Domingo 12 de decembro, de 11 a 12: 

“Porque un juguete que solo puede jugar con el 50 % no es un juguete feliz”.

Os xoguetes sexistas que reproducen os roles e estereotipos de xénero promoven a discriminación, sinalan á nena ou neno que se saen da pauta establecida, xeran presións nas crianzas e impiden o xogo libre, tal e como confirma o estudo publicado polo Instituto de las mujeres no 2020.

Aquí tedes algo máis de información sobre esta campaña “Huelga de juguetes”

“Los juguetes sin estereotipos de género hacen más libres a las niñas y a los niños”

Sexismo e roupa deportiva

Estes xogos olímpicos tiveron moitos aspectos importantes para reflexionar ademais das marcas e medallas.

Un deses aspectos foi que as desportistas quixeron poñer de manifesto e visibilizar as diferenzas nos vestiarios deportivos que deben usar.

As roupas deportivas masculinas e femininas son totalmente diferentes. Nalgúns casos as prendas femininas son incómodas e inadecuadas para a práctica do deporte.

No caso do voleibol, balón volea, por exemplo, mesmo se indicaban as medidas da parte inferior do traxe deportivo feminino (non así do masculino). Poderíanse enumerar outras especialidades deportivas: atletismo, ximnasia,…

Poderiamos traballar co alumnado as imaxes que aparecen nos medios, reparar nas roupas e comparar as das mulleres e as dos homes da mesma especialidade. Tirar conclusións.

Podería ser interesante a lectura deste artigo.

Violencia vicaria

A violencia de xénero ten múltiples facetas.

A violencia de xénero afecta ás nenas e aos nenos que tamén a sufren.

Ultimamente fálase moito de violencia vicaria. Escoitemos como a explican Sonia Vaccaro

e Marisa Soleto.

Hipersexualización

Levamos anos asistindo á hipersexualización .

A hipersexualización afecta a nenas e a nenos e ten varias fontes, as principais son: a publicidade e as empresas de roupa e complementos.

• A publicidade amosa acotío á infancia con poses de persoas adultas, sobre todo as nenas.
• As empresas de moda, realizan, promocionan e venden roupas e complementos non adecuados para nenas e nenos.

Xa en 2011 o advertía o Informe Bailey. A infancia está cada vez máis erotizada.

As nenas son as principais vítimas, aparecen adoptando roles e condutas estereotipadas .

Podemos reflexionar sobre o tema e ampliar datos premendo nos números que ofertamos a continuación: 1, 2, 3.

Debuxos animados, si ou non??

Deixar ver ou non debuxos animados a nenas e nenos é unha decisión familiar que, en ocasións, pode resultar difícil de tomar. Independentemente dos títulos a escoller, o uso de pantallas por parte das crianzas debería facerse seguindo unha serie de recomendacións básicas. As persoas expertas consultadas neste artigo El Diario.es concordan en ter en conta estas líneas xerais:

• Elixir ben os contidos, que sexan axeitados para as diferentes idades
• Limitar os tempos de uso –a poder ser de maneira pactada–
• Supervisar o que os nenos e nenas ven, aínda mellor sentarse a velo conxuntamente e compartir as experiencias. 

Algúns debuxos animados rachan cos estereotipos e educan mentras entreteñen. Títulos como Bing, Hilda, Bluey, Daniel Tigre, Motown Magic ou DinoTren van máis aló da diversión e buscan transmitir valores entre o público infantil.

Activa, aventureira, valente e non viste de rosa – Ver en Netflix

Centrada na intelixencia emocional – Ver en Clan

“Olladas disidentes” no CIFP A Xunqueira

“Eu son quen mira. Somos nós quen miramos e somos nós quen queremos abrazar a diversidade“

O alumnado e profesorado do Ciclo Superior de Promoción de Igualdade de Xénero e o curso Promoción efectiva entre mulleres e homes do CIFP A Xunqueira presentaron o proxecto “Olladas Disidentes“.

O obxectivo desta exposición fotográfica é “observar máis alá do que se mira”. A través de fotomontaxes creadas e deseñadas de maneira cooperativa, pretende revelar “unha realidade que non nos representa, unha realidade estereotipada”, a fin de rachar con eses tips de xénero.

“A exposición amosa corpos non normativos para ver a reacción da xente e dá a volta aos roles convencionais”.

As imaxes desta mostra estarán expostas no patio exterior do centro ata finais de curso.

Para saber máis pódese premer nas seguintes ligazóns:

CIFP A Xunqueira, Diario de Pontevedra, Pontevedra Viva, Tentatoura e Twitter.

E se rachamos estereotipos?

Debatemos despois de ver o vídeo.

Detectando estereotipos

Nestes días de confinamento seguro detectamos estereotipos que xa criamos desterrados.

Reflexionamos sobre eles con esta páxina.