“Eu vou conmigo”, un conto para ensinar asertividade ás nenas

Raquel Dïaz Reguera, escritora e ilustradora, é a autora de “Yo voy conmigo“, unha historia moi especial cunha mensaxe moi importante. O vídeo sobre o libro realizouno “Ciencienciate produccións“.

Este conto reflexiona sobre a importancia de ser unha mesma, sen deixar que a contorna nos faga diferentes, sen mudar como somos para agradar aos homes, e sobre a importancia de dar valor as nosas características, a eses paxaros na cabeza que todas e todos temos (aínda que as veces deixemolos engaiolados).

Ten un final xenial grazas a asertividade que a nena é capaz de mostrar.

Pódese baixar o vídeo en Yo voy conmigo.

Día do libro: Lecturas alternativas. Educación sexual e Diversidade

Achegamos dúas propostas de boas e necesarias lecturas para as nosas fillas e fillos e o noso alumnado:

48 libros para hacer Educación Sexual con los peques desde la familia. Unha moi completa guía editada pola Cruz Roja de Oviedo que contén:

36 lecturas de ficción relacionadas coa Educación afectivo-sexual que tratan temas tan diversos como reproducción, imaxe corporal, autoestima, menstruación, masturbación, placer, igualdade,
diversidade, roles e expresión de xénero, identidade sexual, transexualidade, orientación sexual,
familias, bo trato, prevención de violencia, prevención de abusos sexuais, saúde, VIH e máis.

12 son materiais divulgativos, guías de educación sexual dirixidas a familias, editadas cun
propósito educativo e divulgativo.

Podedes descargar esta publicación aquí

guia-48-libros-educacion-sexual-familias-con-peques.-asexovi-2Descarga

Alternativas literarias para trabajar en las aulas. Unha oferta moi ampla de lecturas LGTBI, editada por Docentes lgtbi+ para todas as etapas Educación Infantil, Primaria e Secundaria que abordan a diversidade sexual e os diferentes xeitos de ser e de relacionarnos.

Podedes descargar esta publicación aquí

alternativas-literarias-lgtbi-Descarga

Amanda Black, una herencia peligrosa. Un libro para coeducar

Trátase dun libro de aventuras cunha protagonista feminina, de Juan Gómez-Jurado e Bárbara Montes.

Juan Gómez-Jurado (Madrid, 1977) é xornalista e autor de varias novelas de gran éxito, traducidas a coarenta linguas. 

Bárbara Montes é psicóloga infantil e lectora empedernida.

Esta colección de aventuras repletas de misterio, acción trepidante e cun ritmo frenético, está pensada para nenas e nenos a partir de nove anos.

Este primeiro libro, Una herencia peligrosa, inicia unha trama na que a súa protagonista, Amanda Black, terá que arriscarse a coñecer cousas do seu pasado para poder enfrentar un futuro do máis incerto. Orfa dende que ten poucos meses de vida e cunha vida que dista moito de ser cómoda, recibirá unha carta que lle abrirá a porta da Mansión Black e axiña darase conta de que non só será unha casa…

Despois desta primeira entrega, haberá outras dúas nos meses de xuño e novembro, Amanda Black 2, el amuleto perdido e ….

Tus hijos ven porno. ¿Qué vas a hacer?

José Luis García, educador sexual: “Prohibir el porno es un error. Lo que tenemos que hacer es capacitar a los adolescentes para que sean críticos”

Tus hijos ven porno. ¿Qué vas a hacer? Neste libro, o primeiro dunha serie de catro, o seu autor, Jose Luís García, psicólogo clínico e sexólogo, analiza o papel das familias e do profesorado para contrarrestar os modelos de sexualidade que lle chega á mocidade coa pornografía.

Os datos da fiscalía do estado confirman un aumento do 40% de delitos sexuais de menores contra menores.

En Twitter hai porno, directamente, e en Instagram e Facebook se queres, de forma indirecta tamén podes atopalo. Ademais, están plataformas como Only Fans ou semellantes onde moitas adolescentes practican prostitución encuberta.

• 

Estamos diante dunha xeración de “nenas e nenos pornográficos” que precisan urxentemente dunha Educación sexual rigurosa, científica, igualitaria e non moralizante.

Para coñecer mellor as opinións e algúns dos datos aportados neste libro, podedes ler neste enlace unha boa e completa entrevista co autor do libro. https://www.eldiario.es/nidos/jose-luis-garcia-psicologo-educador-sexual-rasgos-adiccion-porno-son-necesitas-consumirlo-frecuencia-buscar-videos-violentos_128_7196658.html

“En diálogo con…” Unha Historia da Filosofía con visión de xénero e inclusiva

Con este novidoso e necesario manual da Historia da Filosofía para 2º de Bacharelato, a súa autora, profesora de filosofía nun instituto de Madrid, Lola Cabrera Trigo, dun xeito totalmente altruista, pon nas nosas mans a posibilidade de recuperar o pensamento das mulleres ao longo dos tempos.

Xunto aos trece autores que a Lei de Educación inclúe no currículo a profesora Lola Cabrera coloca en paralelo a mulleres pensadoras ou escritoras desas mesmas épocas, para rachar con esa marxinación secular da outra metade da humanidade e enriquecer deste xeito o coñecemento do noso pasado. Vos sorprenderedes da cantidade de voces importantes silenciadas por ser mulleres.

“…un modelo sin exclusiones, para poder determinar hasta qué punto la historia
de la filosofía podría haber sido distinta con la aportación de las mujeres, y, finalmente, para
hacer una análisis crítico del lugar al que nos ha conducido este pensamiento hecho por y
para filósofos, es decir, una sociedad patriarcal.”

• 

Pódese descargar este libro neste enlace

libro-completo-__-en-dialogo-con-el-pensamiento-en-femenino-plural-2Descarga

E para completar esta información aquí vos deixamos un bo artigo de prensa no que se nos da información de sete películas e documentais sobre sete mulleres filósofas que non deberíamos esquecer: Hannah Arendt, Rosa Luxemburgo, Edith Stein, Simone de Beauvoir, Hypatia de Alejandría, María Zambrano e Judith Butler. Este enlace inclúe as películas ou tráiler das mesmas. https://culturainquieta.com/es/pensamiento/item/17422-siete-peliculas-y-documentales-basadas-en-filosofas.html

Un día ao mes para pequenas historias de igualdade

E mellor aínda se é un día á semana ou un anaquiño de tempo cada día o que adicamos a construir un mundo de iguais; para iso temos a proposta de varios pequenos audios (van de 2 a 12 minutos) nos que podemos escoitar desde contos moi coñecidos como “Lalo, el príncipe rosa” ou “Rosa Caramelo” ata pequenas biografías de Marie Curie ou Concepción Arenal.

Son audios para escoitar co alumnado de Educación Infantil e Primaria.

• 

• 

• 

• 

• 

• 

Para acceder a todos esos audios debedes premer en cada título.

cuentos-en-igualdad-planificacion-mensualDescarga

GUÍA DE LITERATURA INFANTIL E XUVENIL PARA A IGUALDADE

A Secretaría Xeral da Igualdade da Xunta de Galicia xunto coa Asociación Galega do Libro Infantil e Xuvenil GÁLIX veñen de poñer á nosa disposición unha formidable guía de libros que pretende demostar aos nenos e ás nenas, mozos e mozas que outros contidos son posibles: o empoderamento das mulleres, o reparto das tarefas no fogar, a ruptura cos estereotipos sexistas ou a visibilización das mulleres ao longo da historia.

As lecturas está divididas en tres tramos: de cor verde ata os 8 anos, de cor vermello ata os 12 e de cor azul a partir dos 12 anos.

Cada libro ven acompañado dunha sinopse, temas relacionados e varias actividades para realizar co alumnado.

• 

Podedes descargar a guía completa a continuación

fichas_lecturas_coeducativas-para-a-igualdade-guiaDescarga

A miña libraría de diversidade. Preme nos libros da miña biblioteca

Nesta biblioteca podedes atopar libros tan interesantes e divertidos como versións feministas de contos tradicionais, relatos non sexistas e ata moitas biografías de mulleres que destacaron en campos moi diversos ao longo da Historia da humanidade.

• 

Podedes descargar esta publicación aquí e premendo en cada libro teredes acceso a el.

mi-libreria-de-diversidadDescarga

MAFALDA

O día 30 de setembro de 2020 deixábanos Quino, Joaquín Salvador Lavado, o creador dese gran personaxe que é Mafalda.

Fillo de emigrantes andaluces na Arxentina, casado cunha gran muller, colaboradora e compañeira, Alicia Colombo, dou vida a Mafalda no ano 1962 para un anuncio publicitario que non chegou a realizarse e Mafalda quedou libre para ser retomada por Quino a partir de 1964 e poder ser esa voz crítica e solidaria que nos acompañou durante tantos anos e que agora queremos compartir neste blog con todas as persoas que desexen gozar coñecendo ou lembrando a esta rapaza tan especial e aos seus amigos Manolito, Miguelito, Guille, Felipe ou Susanita.

mafalda-completaDescarga

biblioteca-mafalda.-debes-dar-click-sobre-los-libros-y-personajesDescarga

100 Mulleres Galegas e outros libros

Presentamos aquí varios libros que visibilizan o traballo e a vida das mulleres ao longo dos tempos:

1. “100 Mulleres Galegas“. 100 semblanzas necesarias no feminismo galego. Consello da Cultura Galega.
2. “Las maestras de la república“. Unidade didáctica  e actividades sobre o ensino na república. FETE-UGT.
3. “Nosoutras creamos mundo“. Breve e sinxela historia das mulleres a través de xogos. FETE-UGT.
4. “Un recorrido por la historia de las mujeres“. Mini guía práctica con actividades para actuar.  FETE-UGT.
5. “Historia de las mujeres I” e “Historia de las mujeres II“. O que mozas e mozos deben saber. FETE-UGT