Xela Arias e as Letras Galegas

Este ano 2021, tan especial, a Real Academia Galega RAG decidíu homenaxear a unha escritora tamén moi especial, Xela Arias, no 17de maio Día das Letras Galegas.

Innovadora, rebelde e inconformista. Activista pola paz, gran defensora da lingua galega, ecoloxista e feminista. Xela Arias foi sen dúbida unha muller comprometida coa sociedade de seu tempo;e como nos di Tareixa Casal, Profesora do CIFP Carlos Oroza de Pontevedra e autora desta presentación. Aquí tedes un material sinxelo e atracttivo para achegar a figura de Xela Arias ao noso alumnado

Pódese descargar aquí esta presentación.

xela-arias-1962-2003-letras-galegas-2021Descarga

E se queredes afondar máis no coñecemento da súa vida e da súa obra, vos recomendamos estos vídeos editados pola Real Academia Galega, nos que en 6 capítulos, e baixo o título de A palabra esgazada, se realiza un bo achegamento a Xela Arias. Premendo no título accededes a eles.

Tamén como agasallo do Consello da Cultura Galega para este Día das Letras Galegas vos achegamos unha interesante publicación desta autora ¡Non te amola!, cun estudo ben feito por Ana Iglesias e cunhas atractivas ilustracións de Bea Gregores.

Podedes descargar aquí esta publicación.

ccg_2021_letras-galegas-2021_xela-ariasDescarga

Engadimos a esta escolma de materiais sobre Xela Arias estas ilustracións tan vistosas e xuxerentes de imaxes da escritora con algúns dos seus versos, da man agarimosa e moi creativa de Terteres, que agacha o nome doutra boa compañeira, Mónica Fernández.

Podedes descargar estas ilustracións premendo no nome da autora Terteres

Vos propoñemos tamén a lectura deste poema escrito por Nones Araujo en versos acrósticos e dedicado a Xela Arias.

• 

E para rematar anotamos a continuación o enlace para visionar un vídeo homenaxe á poeta Xela Arias no 60 aniversario do seu nacemento en Sarria. Román Raña, Oriana Méndez, Antonio G Teijeiro, Xina Vega, Marta Dacosta, Silvia Penas, Fran Alonso, Lara do Ar, Iolanda Zúñiga e Marcos de la Fuente len poemas de Xela. María Xosé Queizán lembra unhas pinceladas sobre Xela e recita o poema que lle dedicou. As imaxes son de Xulio Gil, do libro de foto-poemas Tigres coma cabalos. Editado polo Ateneo Atlántico de Vigo.

Vídeo Xela Arias

Concluimos coa música de A banda da loba “con M de muller” que dedica unha canción a un dos poemas do último e rompedor libro de Xela Arias Intempériome.

María Pita, muller de armas tomar 432 anos despois

Mayor Fernández da Cámara Pita, máis coñecida como María Pita, nada en Sigrás (Cambre. A Coruña) contra 1560 e finada no mesmo lugar en 1643, foi unha heroína galega na defensa da Coruña contra o ataque da Armada Británica acontecido no mes de maio do ano 1589. Hai agora 432 anos daquela.

En xullo do ano 2020 publicouse un cómic coa súa biografía e os seus avatares ben interesantes, desde como dirixíu as tropas contra os ingleses ao berro de “Quen teña honra, que me siga”, ata os catro matrimonios que realizou e os dous fillos e fillas que tivo.

Este cómic foi realizado por César Herce, Meik Cobain e Angie Suárez, dentro da colección Historia de España en viñetas de Cascaborra Ediciones.

Tedes maís información da vida de María Pita nesta entrada da Wikipedia https://gl.wikipedia.org/wiki/Mar%C3%ADa_Pita

E podedes achegarvos a esta heroína a través deste audio realizado con moito humor e boa música por Nieves Concostrina na SER

“Eu vou conmigo”, un conto para ensinar asertividade ás nenas

Raquel Dïaz Reguera, escritora e ilustradora, é a autora de “Yo voy conmigo“, unha historia moi especial cunha mensaxe moi importante. O vídeo sobre o libro realizouno “Ciencienciate produccións“.

Este conto reflexiona sobre a importancia de ser unha mesma, sen deixar que a contorna nos faga diferentes, sen mudar como somos para agradar aos homes, e sobre a importancia de dar valor as nosas características, a eses paxaros na cabeza que todas e todos temos (aínda que as veces deixemolos engaiolados).

Ten un final xenial grazas a asertividade que a nena é capaz de mostrar.

Pódese baixar o vídeo en Yo voy conmigo.

O sexismo na publicidade

Cantas mulleres se sinten identificadas coa imaxe que se da delas na publicidade? Neste vídeo de apenas 2 m, realizado polo Observatorio Andaluz de la Publicidad no Sexista, dentro do proxecto Caminando hacia una publicidad en positivo, faise unha breve enumeración dos temas tratados nos anuncios: limpeza doméstica, alimentación, saúde e beleza… e sempre como telón de fondo a preocupación polo corpo, a imaxe de muller obxecto ou da “superwoman”.

Aquí podedes acceder a este vídeo Sexismo e Publicidade

Cibersexo e violencia de xénero

Hoxe é moi necesario falar co noso alumnado e nas nosas casas coas fillas e fillos desta nova forma de relación que é o Cibersexo, así como coñecer prácticas como Sexting, Sextorsión ou Sexpreading. Onde comeza a violencia e o que pode ser delito é do que tratan os dous vídeos que están a continuación, realizados grazas as axudas do Pacto de Estado contra a violencia de xénero.

Centro de información á muller CIM de Andújar (Jaén)

Neste enlace podes acceder ao vídeo https://www.youtube.com/watch?v=FTJrsghGlkQ&t=47s

Grupo de Desenvolvemento Rural GDR Salnés-Ulla-Umia

Neste enlace podes acceder ao vídeo https://www.youtube.com/watch?v=vkQA9fxGMDY

Para completar esta información pode ser moi útil e clarificadora a Escaleira cíclica da violencia de xénero elaborada pola profesora e experta en coeducación Carmen Ruíz Repullo.

8 M. Por que se celebra nesa data o Día Internacional das Mulleres?

Circula por aí a falsa idea de que o 8 de marzo conmemora o incendio nunha fábrica de Nueva York no que morreron máis de cen traballadoras, pero a orixe do Día Internacional das Mulleres é máis complexo… e máis interesante!

Laura Viñuela, feminista, musicóloga e experta en coeducación nolo explica estupendamente neste vídeo.

8 M. Manifestos pola situación socio-laboral das mulleres na actualidade

Desde o Ateneo Atlántico chéganos este vídeo realizado para dar a coñecer a situación das mulleres neste 8 M do 2021, marcado pola pandemia do Covid 19.

Datos: o 84% do persoal sanitario son mulleres, nos supermercados o 84% son mulleres tamén, no sector da limpeza o 93% son mulleres, das persoas que nos atenden nas farmacias o 72% son mulleres…

8 de cada 10 fogares son monoparentais en mans de mulleres e as 3/4 partes do traballo non remunerado dos coidados está realizado por mulleres.

Neste ano da pandemia aumentou a violencia de xénero contra as mulleres e as diferentes formas de prostitución.

A Sociedade Galega de Sexoloxía SoGaSex realizou para este 8 M do 2021 un brevísimo manifesto visual e sonoro, feito con moita delicadeza e cunha mensaxe moi clara: Diversidade, Liberdade e Igualdade

A Confederación Intersindical Galega CIG, unha das organizacións convocantes da folga de mulleres do 8 M, explica neste vídeo as razóns desta xornada reivindicativa e cales deberían ser as alternativas necesarias para poñer fin ás inxustas discriminacións que sufrimos as mulleres no eido laboral.

8 M. Homenaxe á muller traballadora na pintura contemporánea galega.

Cadros de Seoane, Maside, Maruxa Mallo, Colmeiro, Concha Vázquez, Leandro Lamas, Mª Antonia Dans, Xulia Minguillón, J.L. López…

Películas para traballar a igualdade de xénero en Primaria

Seleccionamos 15 longametraxes para o alumnado de 6 a 12 anos nas que se fomenta a igualdade e se loita contra os estereotipos de xénero.

Películas tan diversas como: La princesa Monoke, Alicia en el país de las maravillas, Matilda, El pan de la guerra, Liyana, Quiero ser como Beckam, Brave, Las Supernenas, Mulan, Vaiana, El viaje de Chihiro, Figuras ocultas, Zootrópolis, Enredados y Lilo y Stitch.

• 

• 

• 

• 

A continuación tedes un artigo de http://www.educaciontrespuntocero.com onde nos achegan un pequeno comentario de cada unha das películas e a súa utilidade co alumnado. https://www.educaciontrespuntocero.com/recursos/peliculas-igualdad-de-genero/

Conversas con…Jose Manuel Viñas Leiro “Anticoncepción nas mulleres”

Espazo para xerar coñecemento en SoGaSex a Sociedade Galega de Sexoloxía a través do diálogo,

a entrevista, o debate e a reflexión.

Anticoncepción nas mulleres

Hoxe compartimos a entrevista sobre Anticoncepción nas mulleres, realizada polas nosas socias e docentes, Lola Varela e Luisa Fernanda Arís ao especialista en Xinecoloxía e Obstetricia, Dr. Jose Manuel Viñas Leiro. Agradecemos a súa colaboración con Sogasex e esperamos que sexa de voso interese esta interesante conversa.

O control e planificación da maternidade permítenlle á muller gozar dunha vida sexual completa e placentera, e sen riscos de embarazos non desexados. Isto veu supoñer un gran adianto no desenvolvemento e conformación do feito de ser muller.

Se queredes seguir a entrevista desde a páxina de SoGaSex aquí tedes o enlace https://sogasex.es/di%25252525c3%25252525a1logos-con….html