Tag Archives: Violencia de xénero

Cibersexo e violencia de xénero

Estándar

Hoxe é moi necesario falar co noso alumnado e nas nosas casas coas fillas e fillos desta nova forma de relación que é o Cibersexo, así como coñecer prácticas como Sexting, Sextorsión ou Sexpreading. Onde comeza a violencia e o que pode ser delito é do que tratan os dous vídeos que están a continuación, realizados grazas as axudas do Pacto de Estado contra a violencia de xénero.

Centro de información á muller CIM de Andújar (Jaén)

Neste enlace podes acceder ao vídeo https://www.youtube.com/watch?v=FTJrsghGlkQ&t=47s

Grupo de Desenvolvemento Rural GDR Salnés-Ulla-Umia

Neste enlace podes acceder ao vídeo https://www.youtube.com/watch?v=vkQA9fxGMDY

Para completar esta información pode ser moi útil e clarificadora a Escaleira cíclica da violencia de xénero elaborada pola profesora e experta en coeducación Carmen Ruíz Repullo.

Usar cancións para concienciar contra o maltrato de xénero

Estándar

untitled

150 canciones para trabajar la prevención de la violencia de género en el marco educativoé un libro de Ana Llorens Mellado publicado polo Concello de Valencia.

Esta proposta didáctica presenta unha serie de recursos e materiais relacionados coa utilización das cancións como ferramentas didácticas para traballar na aula a Igualdade e a violencia de xénero. No pdf aparecen as ligazóns ao vídeo ou audio de cada unha delas.

As cancións, que van dende o ano 1963 ata a actualidade, amosan as preferencias musicais da xuventude segundo un estudo realizado polo INJUVE (Instituto de la Juventud de España).

Esta selección, dirixida ao profesorado de todas as etapas educativas e que pode adaptarse ao gusto musical do alumnado, consta de 150 cancións nas que mulleres e homes, que utilizan algunha das linguas oficiais faladas no territorio español, visibilizan e reproducen os estereotipos sexistas, a desigualdade que padecen as mulleres, a violencia de xénero… O obxectivo é coñecer as alternativas para sair destes procesos de dependencia e dor.

Neste enlace poderedes atopar o material

Mapa de recursos para educación non formal

Estándar

A Deputación da Coruña e a cooperativa de educación e de lecer Aventeira veñen de publicar un mapa de recursos chamado “Educación non formal con lentes violetas“.

Dende xogos e dinámicas, guías didácticas, audiovisuais, formación, violencia de xénero, …, ata centros de información; basta con premer en cada unha das diferentes opcións no pdf.

Tamén en cada apartado tes varias ligazóns que completan os materiais.

Podes ver e descargar o mapa nas seguintes ligazóns: Mapa e Recursos, respectivamente.

Medusa con cabeza de Perseo. Invertir o mito grego

Estándar

Culpar á vítima é revitimizala e trátase de impedir iso. Precisamente foi o que intentou o artista arxentino Luciano Garbati colocando a súa escultura diante do Tribunal Penal de Xustiza de Nueva York que atende as causas de delitos sexuais contra as mulleres. Neste lugar, hoxe símbolo da defensa das mulleres, foron presentadas as denuncias contra o coñecido productor de cine Harvey Weinstein por abuso y acoso sexual a varias actrices. Este feito deu lugar ao comezo do movemento Me Too.

Esta obra, instalada neste lugar hai dous meses, estará exposta ata o 30 de abril formando parte do proxecto Art in the Parks N Y.

Podería ser interesante co noso alumnado localizar a historia de Medusa e ver o cambio que se nos propón con esta obra.

Nestes vídeos podes ver con detalle a escultura de Luciano Garbati e lembrar o mito grego.

Descargar: https://drive.google.com/file/d/1H9foF-vsxyVZ-BM4KmRDt_bDUy3BNIJ6/view

Máis vídeos sobre violencia de xénero

Estándar

Achegamos outros recursos para seguir reflexionando co noso alumnado nas aulas a prevención da violencia contra as mulleres.

  1. Violencia 0” O Recuncho de Tambo. CEIP do Carballal. Marín
  2. Entre un hombre y una mujer” Ministerio de Sanidade, Consumo e Benestar Social
  3. Si te controla, no es amor es maltrato” Atresmedia
  4. Una campaña pide que los hombres reaccionen a los comentarios machistas de sus amigos” El País
  5. Polas que xa non teñen voz” Asociación Feminista de Vilalba

UD: Invisibles

Estándar

O CIM de Pontevedra ven de engadir un novo recurso no seu apartado de educación, a unidade didáctica “Invisibles, relatos de maltrato“, baseada na obra da xornalista Montse Fajardo.

Trátase de “unha obra de textos curtos, de media páxina a páxina e media, cos que se recompoñen sete relatos de violencia machista, historias reais de mulleres reais (Eva, Mariluz, Tina, Ana, Irene, Marga e Begoña), sete experiencias de maltrato físico, psicolóxico, social, económico, sexual… que converxen na exposición de pautas ou patróns de comportamento que se reiteran nos máis dos casos.”

Esta moi completa UD de Invisibles consta de máis de 20 fichas técnicas para realizar co alumnado a partir dos 12 anos de idade.

Podes baixar a UD Invisibles nos seguintes enlaces: http://igualdade.pontevedra.gal/educacion/recursos/

UN TESOURO: A IGUALDADE

Estándar

Outra proposta de actividades para o alumnado de Educación Infantil e Primaria con motivo do 25 N.

Estes días máis que nunca debemos reflexionar co noso alumnado sobre a importancia da Educación para a Igualdade como prevención contra a Violencia de Xénero. Esta pandemia que estamos a vivir puxo de manifesto dun xeito moi notorio as desigualdades de mulleres e homes no seo das familias, no desempeño dos coidados e na existencia dos traballos subsidiarios, entre outras cousas.

Con este xogo e seguindo o camiño do tesouro descubriremos cantidade de ferramentas e axudas moi entretidas e interesantes para poder evitar a violencia cara as mulleres e atopar a Igualdade que é o verdadeiro tesouro.

Para poder participar neste xogo interactivo podedes premer neste enlace: https://view.genial.ly/5fa6f72789da530d018cf21a/horizontal-infographic-timeline-un-tesouro-a-igualdade

25 N CONTRA A VIOLENCIA MACHISTA

Estándar

Unidades didácticas elaboradas pola CIG Ensino e AS-PG para o alumnado de Educación Primaria e Secundaria

“Agardamos que sexan de proveito para tratar de axudar a reverter desde o ensino a situación social que estamos vivindo e que moitas veces se manifesta xa desde idades temperás entre o noso alumnado”.

Obxectivos:

1.-Reflexionar sobre as violencias de xénero.
2.-Promover espazos sen violencias.
3.-Entender as causas e a estrutura que sustenta as violencias de sexo-xénero.
4.-Cuestionar os estereotipos de sexo-xénero.
5.-Prover ferramentas para o desenvolvementos de habilidades e condutas de bo trato.

Podedes descargar estas Unidades Didácticas no seguinte enlace: https://www.cig-ensino.gal/nova/id-25n.html

25 N DÍA INTERNACIONAL CONTRA A VIOLENCIA CARA AS MULLERES

Estándar

“Educar para a igualdade é previr a violencia de xénero”

Actividades para realizar nas aulas co alumnado de Educación Infantil, Primaria e Secundaria (ESO, Bacharelato e FP), propostas desde o INSTITUTO ASTURIANO DE LA MUJER.

A partir de materiais tan atractivos como os contos de Adela Turín ou do vídeo tan divertido de Carmen Ruíz Repullo para adolescentes La historia de Pepe y Pepa.

Podedes descargar o material nos seguintes enlaces:

Rosa Caramelo https://www.youtube.com/watch?v=qqJx-a09dT8

Arturo y Clementina https://www.youtube.com/watch?v=YjHrjeZds4A

La historia de Pepe y Pepa https://www.youtube.com/watch?v=IpaabDdQNO8&t=30s